MOI

Autoriteti Kombetar per Certifikimin Elektronik

Autoriteti Kombëtar për Certifikimin Elektronik (AKCE)
National Authority for Electronic Certification (NAEC)

Ministria e Brendshme, nëpërmjet Autoritetit Kombëtar për Certifikimin Elektronik ka përgjegjësinë e ndjekjes së zbatimit të Ligjit për Nënshkrimin Elektronik dhe të akteve nënligjore të nxjerra në zbatim të tij. Çdo ofrues i shërbimit të certifikimit elektronik qe vepron në territorin e Shqipërisë është i detyruar t'i referohet materialeve që gjenden edhe në ketë faqe e që përditësohen 24/7.

AKCE regjistron e publikon listat e plota të ofruesve të shërbimit të certifikimit, certifikatat aktive, të shfuqizuara ose të revokuara, si dhe organizmat e testimit e konfirmimit.

Ne zbatim të detyrimeve ligjore, dhe për një shërbim efikas e të dedikuar, ne vëmë në dispozicionin tuaj një staf të specializuar dhe të gatshëm për asistence në çdo kohë dhe kudo që ndodheni.

Objekti i punës së Autoritetit Kombëtar për Certifikimin Elektronik:

Mbikëqyr zbatimin e ligjit Nr. 9880, datë 25.2.2008, ''Për Nënshkrimin Elektronik''.

Mbikëqyr zbatimin e VKM Nr. 503 , date 13.05.2009 ,''Tarifat për shërbimet që ofrohen nga AKCE'';

Mbikëqyr zbatimin e VKM Nr. 525, datë 13.05.2009 , ''Rregullore për Nënshkrimin Elektronik'';

Regjistron emrat e Ofruesve të Shërbimit të Certifikimit;

Regjistron emrat e atyre që kanë ndërprerë këtë shërbim;

Regjistron emrat e Organizmave të Testimit dhe Konfirmimit;

Lidh marrëveshje me subjekte publike dhe private për realizimin e veprimtarisë mbikëqyrëse;

Ndërpret përkohësisht ose tërësisht veprimtarinë e Ofruesve të Shërbimit të Certifikimit dhe të Organizmave të Testimit dhe Konfirmimit në rastet e parashikuara me ligj;

Regjistron certifikatat e kualifikuara;

Shfuqizon certifikatat e kualifikuara, kur konstaton se është shkelur ligji;

Inspekton dhe kërkon informacion nga Ofruesit e Shërbimeve të Certifikimit kurdoherë që e gjykon të arsyeshme.

Baza ligjore:

Ligji Nr. 9880 date 25.2.2008 ''Për Nënshkrimin Elektronik'' .
VKM Nr. 503,date 13.05.2009, ''Tarifat për shërbimet që ofrohen nga AKCE''.
VKM Nr. 525, datë 13.05.2009, ''Rregullore për Nënshkrimin Elektronik''.

Pranë AKCE gjenden udhëzime ligjore dhe teknike që në formë shkresore ose elektronike, janë në dispozicion te të gjithë të interesuarve.

Regjistri

Ofrues të Shërbimit të Certifikimit
nuk ka të regjistruar

Organizma të Testimit dhe Konfirmimit
nuk ka të regjistruar

Certifikata të vlefshme
nuk ka të regjistruara

Certifikata të Shfuqizuara
nuk ka të regjistruara

Certifikata të Revokuara
nuk ka të regjistruara