Më datë 27 Gusht 2008, Zëvendësministri i Brendshëm, Z. Gent Strazimiri dhe Z. Pëllumb Nako Zëvendësdrejtori i Përgjithshëm i Policisë së Shtetit, në Departamentin për Kufirin dhe Migracionin patën një takim me përfaqësuesit e Agjencisë Evropiane për Kontrollin e Kufirit FRONTEX, të cilët ishin për një vizitë dy-ditore në Shqipëri.
Në fillim të këtij takimi Z. Strazimiri falënderoi përfaqësuesit e FRONTEX-it për vizitën, për frymën e mirëkuptimit që ekziston mes kësaj Agjencie dhe Policisë së Shtetit si dhe vazhdimin e këtij bashkëpunimi për të siguruar lehtësirat e nevojshme sidomos në fushën e forcimit të bashkepunimit me Departamentin për Kufirin dhe Migracionin.

Ministri i Brendshëm, Bujar Nishani, deklaroi gjate nje konference per shtyp se forca goditëse ndaj krimit dhe trafiqeve të paligjshme është dyfishuar në krahasim me të njëjtën periudhë të vitit të kaluar. Ministri Nishani tha se, në total janë goditur 69 grupe kriminale me 280 anëtarë të arrestuar, çka përbën dyfishim të forcës goditëse të krimit.
Ai tha më tej se, janë zhvilluar 20 operacione antidrogë, nga të cilat 5 ndërkombëtare, me 224 persona të arrestuar. Ministri Brendshëm tha se, statistikat e Policisë italiane tregojnë se trfaiku u narkotikve eshte ne minimumin historik të pakrahasueshëm me vitin 2007 e përpara.

Në Zyrën e Gjendjes Civile të Njësisë Bashkiake Nr:10 në Tiranë u përurua procesi i lëshimit të çertifikatave elektronike për qytetarët. Së bashku me Kryeministrin Z.Sali Berisha ishin të pranishëm Ministri i Brendshëm Z.Bujar Nishani, I Ngarkuari me Punë i Delegacionit të KE Z.Hubert Petit dhe Ambasadori i OSBE Z.Robert Bosch.
Zv.ministri i Brendshëm Z.Ferdinand Poni, Shefi i Projektit të OSBE për modernizimin e gjendjes civile Z.Frank Nan dhe drejtues të Drejtorisë së Përgjithshme të Gjendjes Civile paraqitën fillimisht për të pranishmit përparësitë e këtij shërbimi të ri për qytetarët.

Zv.ministri i Brendshëm Z.Ferdinand Poni zhvilloi një takim me kryetarët e njësive bashkiake të Tiranës për të komunikuar detyrat e fundit para aplikimit të shërbimit për dhënien e çertifikatave për qytetarët në formë të printuar.
Zv.ministri Poni pasi falënderoi krerët e njësive bashkiake për bashkëpunimin e deritanishëm, e cilësoi këtë moment mjaft të rëndësishëm pas etapave të tjera të përfunduara për përgatitjen e Regjistrit Elektronik të Gjendjes Civile, hedhja e të dhënave dhe çertifikimi i tyre.

Ministri i Brendshëm Z.Bujar Nishani zhvilloi një takim me drejtuesit e pushtetit vendor në qarqe, bashki e komuna për të diskutuar dhe përcaktuar detyrat dhe objektivat lidhur me realizimin e projektit për prodhimin dhe shpërndarjen e letërnjoftimeve elektronike dhe pasaportave biometrike.
Ministri i Brendshëm pasi informoi për ecurinë e deritanishme deri në përzgjedhjen e një prej modeleve më të përparuara në hapësirën e BE për dokumentat e identitetit, duke e cilësuar projektin një aksion kombëtar që kërkon përfshirjen e të gjithë aktorëve të qeverisjes qendrore e vendore dhe të gjithë forcave politike, deklaroi se procesi do të pasohet nga takime e konsultime të vazhdueshme për të garantuar ecurinë normale dhe suksesin e tij.

Ministri i Brendshëm Z.Bujar Nishani, Zëvendësministri i Brendshëm Z.Gent Strazimiri dhe Drejtori i Përgjithshëm i Policisë së Shtetit Z. Ahmet Prençi, zhvilluan sot më datë 29.07.2008 një takim më forcat e Repartit RENEA.
Në këtë takim Ministri i Brendshëm shprehu mirënjohjen për kurajën, trimërinë dhe humanizmin që u tregua nga efektivat e këtij reparti në operacionin e shpëtimit në ngjarjen e djeshme, kur ra zjarr në një pallat në qendër të kryeqytetit.

Ministria e Brendshme i konsideron akuzat dhe pretendimet e Partisë Socialiste në lidhje me procesin e prodhimit të kartave të identitetit si krejt të paarsyeshme dhe spekulative.
Së pari, Partia Socialiste duhet tu shpjegojë shqiptarëve përse nuk i prodhoi ato gjatë tetë viteve të qeverisjes së saj dhe më pas, duhet më së paku të shprehë vlerësimin për këtë qeveri që po i prodhon brenda mandatit të saj të parë.