Qeveria, ne projektin e saj te ndryshimit, do te zbatoje, ne perputhje me karten europiane te autonomise lokale dhe rajonale, me ritme te pershpejtuara dhe te qendrueshme, dhe ne konsultim te vazhdueshem me qeverisjen vendore e aktoret e tjere te interesit, reformen e decentralizimit te pushtetit ekzekutiv pasi vlereson se decentralizimi permireson cilesite qeverisese qofte ne drejtim te eficiences dhe efektivitetit po aq edhe ne drejtim te forcimit te pergjegjshmerise, rritjes se transparences si dhe rritjes se perfshirjes se qytetareve dhe komuniteteve e grupeve te ndryshme shoqerore ne qeverisje. Nen qeverisjen e re do te marrin fund diskriminimi i njesive te qeverisjes vendore per shkak te perkatesise politike dhe zvarritja e tejskajshme e zbatimit te strategjise kombetare te decentralizimit e te ligjit organik te qeverisjes vendore. Deri ne fund te periudhes 4 vjecare:

• do te dyfishohet pesha aktuale e shpenzimeve autonome te pushtetit vendor ne buxhetin e shtetit dhe ne PBB te lidhura me funksionet e veta te qeverisjes vendore dhe do te zgjerohet autonomia fiskale e bashkive dhe komunave, te cilat do te vendosin dhe mbledhin vete taksat dhe tarifat vendore. Nderkaq, transfertat nga buxheti i shtetit drejt autoriteteve lokale do te rriten me 3-4 here krahasuar me nivelin e sotem duke u kryer ne menyre transparente e objektive bazuar ne formule analitike.
• Brenda dy vitesh do te perfundoje procesi i transferimit te pronave ne njesite e qeverisjes vendore, me perparesi ujesjellesat, rruget, trojet, shoqerite publike me karakter vendor, objektet social-kulturore.
• do te vihet ne zbatim koncepti i funksioneve te perbashketa ne arsim, shendetesi, mjedis, strehim, sherbime sociale, rend dhe qarkullim rrugor, per te cilat njesite e qeverisjes vendore do te marrin vendime autonome brenda sferes se juridiksionit te tyre dhe do te bashkepunojne, bazuar ne principin e autonomise, subsidiaritetit dhe te partneritetit, me qeverisjen qendrore si dhe mes vete njesive te qeverisjes vendore, per arritjen e objektivave kombetare ne keto fusha, sipas prioriteteve vendore per secilen prej ketyre njesive. Alokimi i fondeve per qeverite vendore ne keta sektore publike do te kryhet ne menyre objektive dhe transparente, duke synuar ngushtimin e disbalancave rajonale te derisotme.
• Kufijte e njesive te qeverisjes vendore jane te garantuara me ligj. Cdo ndryshim i mundshem i tyre do te behet ne favor te progresit e mireqeverisjes dhe sipas procesit te hapur e perfshires bazuar ne parimet e Kushtetutes dhe te ligjit organik te qeverisjes vendore.